jan

jan li suli.
jan li ken sona e ijo mute.
sona mun, sona kasi, sona soweli, sona nasin...
taso, ona li ken ala sona e ale...
insa lawa ona li lili mute.
sona mute mute mute li lon.
jan li wile pali e ijo mute kepeken sona ona.
li wile pona e lon ona.
li wile pona e lon pi jan ante.
li ken pona e ijo ante.
taso ona li ni ala.
ni li wile suli ona ala.
jan li wile suli ona.

jan mute li lon.
tenpo suli la jan li lon.
jan li lon ma ale.
ma seli la, jan li lon.
ma kasi la, jan li lon.
ma lete la, jan li lon.
jan li sona la, jan li lon.

jan li utala.
lili la, jan mama li utala e jan lili ona.
suli la, ma li utala e ma ante.
tan li wawa.
jan li wawa la ona li ken pali e wile ona tawa wile ona.
wawa pi jan ni li pona ala.
wile pi jan ni li pona ala.
wile pi jan ni li wawa.
jan ni li monsuta.

jan li toki.
jan li toki kepeken nasin mute.
toki Inli, toki Kanse, toki Nijon, toki mute mute li lon.
jan li ken pali e toki ona.
toki Epelanto, toki Losupan, toki ni.
jan li ken toki kepeken ijo mute.
uta, luka, ilo sona...
linluwi la, jan li ken toki tawa jan mute mute mute!

jan li jan.
lon jan li kulupu.
kulupu la jan li sona mute.
kulupu la jan li toki mute.
kulupu la jan li wawa mute.
kulupu la jan li ken pona mute.
kulupu la jan li pali e wile ona.
wile ni o pona.
wile jan o pona.
wile sina o pona.
sona la o pona.
utala la o pona.
toki la o pona.
o jan pona.