toki a.
mi lon tomo tawa telo suli tan ni: mi tawa tomo pi jan majuna mi.
tenpo pini poka la, telo sewi mute li lon.
kalama mute li lon.
kalama suli li lon.
tenpo ni la, kon li lete li tawa suli.
kon li tawa e linja lawa mi.
telo sewi la, len pi laso telo li lon lupa.
ona li awen e jan tan telo sewi.
kon tawa li tawa suli e len.
tomo tawa telo suli ante li lon, li pali e kalama suli kin.
supa awen mi li laso telo, li ike tawa sijelo mi a.
tomo tawa telo suli li tawa suli, kepeken tenpo suli.
kalama sewi li lon kin.
jan esun li wile esun e ijo...
mi ken kute e ona.
wa, tawa pi tomo tawa telo li suli!
ante la, sewi li walo.
telo li kapesi.
kalama pi suli mute li lon, li toki e ni: o kama lon tomo tawa telo!
tomo tawa telo li tawa..
li weka tan ma...
telo li tawa....
sewi walo li open, li pana lukin e laso telo lili.
wa, mi ken lukin e tomo, laso, walo, kapesi, sewi pi pimeja walo, telo sewi pi tenpo kama.
mi ken lukin e tomo tawa telo ante a!
ona li lon ma, li kepeken ala, li majuna, li pakala...
wa, mi ken lukin e telo sewi, ona li kama kepeken tenpo pi lili mute a!
ona li kon e lukin!
telo li kama pimeja a
telo sewi li kama wawa, li pali e kalama suli!
ni la kon li tawa suli, li tawa e len pi laso telo!
kin la, telo anpa li tawa suli, li jo e kipisi walo, li pali e kalama... pona...
len pi laso telo li lon la insa pi tomo tawa telo li kama pimeja a
ilo suno li lon.
ni li musi mute tawa mi a
mi kute e kalama musi, tan jan Kamelon Lu (Cameron Lew), kalama musi ona li pona li musi li puwa a!
tomo li lili lukin mute a a a
kin la, kalama pi kulupu Akale Wupe (Akalé Wubé), kalama usi ona li pona mute kin...
sinpin la sewi li pimeja li monsuta.
telo sewi li weka, taso sewi pimeja li toki e telo sewi kama.
poka mi la kasi suli mute li lon.
ona li lili lukin, taso lon la ona li suli mute a.
a, kon li tawa mute e telo; ni li pona mute tawa mi a
taso, tomo tawa telo li tawa lili a...
ni la tawa li pini? ala a a a
mi wile tawa lon tomo tawa pi jan mute a.
mi weka tan tomo tawa telo, telo sewi li lon, kon li tawa wawa.
mi tawa tomo tawa pi jan mute.
jan mute li lon, jan ante li lon.
a... kon li lete, kalama musi li lon, kalama pi telo sewi li lon...
telo li tawa lon lupa...
kon pi tawa ni li pona mute mute tawa mi a...
tomo tawa li tawa a!
li tawa wawa mute a.
mi ken lukin e kasi suli mute...
ona li tawa wawa mute aaa
kin la mi ken lukin e tomo lon poka kasi...
tomo ni li pona lukin tawa mi a.
lon lon tomo ni li sama seme?
mi ken lukin e linja telo. telo sewi li kon e lukin a...
insa pi tomo tawa li kama pimeja a...
kon ni li pona mute tawa mi a~
mi o lukin e kasi mute, e telo sewi mute, e nasin mute...
o... lape...
wa!
sewi li kama pimeja suli a...
mi pilin lape...
nasin li jo e telo mute a...
mi kama lon tomo suli pi tomo tawa...
jan mute ala li lon...
tenpo kama poka la, mi lon tomo pi jan majuna mi.
ni la toki mi li pini.
ken la, mi toki lon suno kama.
mi tawa a...